Mohabbat Keeti | Very Emotional Kalam | Punjabi Sad Shayari | Heart Touching Poetry | Punjabi Ghazal
ککراں نال محبت کیتی
کنڈیاں نال محبت کیتی
وینی نال محبت کر کے
ونگاں نال محبت کیتی
مجبوری دے رونے نہیں روئے
چانواں نال محبت کیتی
کھیڈ دلاں نل کھیڈے نہیں
پرکھیڈاں نال محبت کیتی
تیرے تے جچ دے سن جیہڑے
رنگاں نال محبت کیتی
سوہرے اوہو وسیاں جیہناں
کھسماں نال محبت کیتی
کھُل کے دل دی گل کیتی نہ
سنگاں نال محبت کیتی
کچے کوٹھے چوندے رہے
بدلاں نال محبت کیتی
خوشبو دا تاجر نہیں بنیا
پھُلّاں نال محبت کیت
دھی نوں مار مکایا ، بابل
رسماں نال محبت کیتی
تیرے ناویں لا کے ، اپنے
سانہواں نال محبت کیتی
فیر کدی نہیں وسے جنہاں
جنگاں نال محبت کیتی
دل نے دکھ نوں لوری دتّی
پیڑاں نال محبت کیتی،
میرے تے الزام اس لایا
خوشیاں نال محبت کیتی